НЭЭЛТТЭЙ ХААЛГАНЫ ӨДӨРЛӨГ БАЯН-АДРАГА СУМАНД

"Улсын бүртгэлийн цогц үйлчилгээ-Газрын харилцаа орон нутагт" нээлттэй хаалганы өдөрлөг 5 дугаар сарын 17-ны өдөр Баян-Адрага суманд зохион байгуулагдлаа.

 

Өдөрлөгийн үеэр 2023 оны Газар зохион байгуулалтын төлөвлөгөөний дагуу 80 иргэний шинээр өмчлөх хүсэлт, З1 иргэнээс өвөлжөө хаваржааны доорх газрыг эзэмших хүсэлтийг хүлээн авч, 8 иргэнд өвөлжөө хаваржааны зориулалтаар газар эзэмших гарээ, гэрчилгээ, кадастрын зургийг олгосон.

 

Мөн 155 иргэнд кадастрын зураг, хянан баталгаагаар үйлчилж, 25 иргэний газрын хэмжээний зөрүүтэй мэдээллийг засварлах хүсэлтийг хүлээн авч, газрын талаар 39 иргэнд зөвлөгөө мэдээлэл өгч, гарын авлага материал тарааж, газартай холбоотой хүлээгдэж байсан асуудлуудыг шийдвэрлэн ажиллалаа.

 

Нээлттэй хаалганы өдөрлөгөөр нийт 257 иргэнд газрын харилцаа болон улсын бүртгэлийн үйлчилгээг хүргэн ажиллалаа.